Búið er að kyrrsetja eða fresta flugferðum á flugvöllum víðs vegar um heiminn vegna tæknilegra örðugleika sem skekja nú heimsbyggðina. Örðugleikarnir eru sagðir tengjast kerfisbilun hjá Microsoft.

Fjölmiðlar, lestarkerfi, heilbrigðisþjónusta, fjarskiptafyrirtæki, bankar og jafnvel Ólympíuleikarnir finna fyrir áhrifum kerfisbilunarinnar. 

Stór hluti þessara bilana er sagður rakinn til vírusvarnar frá fyrirtækinu CrowdStrike sem sendi út gallaða uppfærslu í tölvukerfi Microsoft.

Veistu meira? Festist þú á flugvelli erlendis? Þú getur sent okkur erindi á frettir@mbl.is

Isavia finnur ekki fyrir áhrifum

Isavia segist ekki finna fyrir beinum afleiðingum á Keflavíkurflugvelli, en þó hafa ein­hver flug­fé­lög seinkað flugi til lands­ins eða fellt niður ferðir.

Allar vélar á flugvöllum á Spáni hafa verið kyrrsettar. Þá eru einnig örðugleikar í Ástralíu og víða í Bretlandi.

Bandarísk flugfélög, þar á meðal Delta, United og American Airlines, hafa aflýst öllum flugferðum, samkvæmt upplýsingum frá flugmálayfirvöldum þar.

Mikil seinkun er á almenningssamgöngum víða um heim vegna örðugleikanna, m.a. í Bretlandi.

Frétt af mbl.is

Netbanki Landsbankans lá niðri

Microsoft grípur til aðgerða

Orsökin er enn óljós en tæknirisinn Microsoft hyggst grípa til „mildunaraðgerða“.

Tæknirisinn segir að örðugleikarnir hafi gert vart við sig um kl. kl. 22 í gær.

Fyrirtækið segist rannsaka vandamál sem tengjast skýjaþjónustu sinni í Bandaríkjunum og vandamál sem hefur áhrif á nokkur smáforrit Microsoft og aðrar þjónustur þeirra.

Heilbrigðisþjónusta fundið fyrir áhrifum

Spítalar í Þýskalandi hafa sumir þurft að fresta öllum aðgerðum sem ekki eru taldar bráðnauðsynlegar.

Tengdar fréttir

Kerfisbilun hjá Microsoft

Segir afsökun Microsoft lélega

• Microsoft kennir ESB-reglum um bilunina
• Kerfisbilunin hefur enn áhrif á Delta
• Olli bilun í 8,5 milljónum tölva
• Þurfi jafnvel að draga fyrirtækið til ábyrgðar

» Fleiri tengdar fréttir

• Blogga um frétt