Truflanir í bókasafnskerfum landsins
Setja bókamerki
Bókasöfn landsins glíma við truflanir vegna bilunar í Microsoft-stýrikerfum í nótt. Notendur geta þar af leiðandi ekki pantað eða endurnýjað útlán í gegnum netið.
Meiriháttar kerfisbilun varð hjá Microsoft í nótt sem má rekja til gallaðrar kerfisuppfærslu netöryggisfyrirtækisins CrowdStrike.
Hugbúnaðarkerfið frá Ex-libris sem þjónustar rekstarkerfi bókasafna um víða veröld varð fyrir röskunum vegna villunnar.
„Kerfi Ex-libris, sem Gegnir og Leitir.is byggja á, varð fyrir bilunum,“ segir Sigrún Hauksdóttir, þróunarstjóri hjá Landskerfi bókasafna, í samtali við mbl.is
Bókasöfn fara aðrar leiðir
CrowdStrike segist nú hafa fundið rót kerfishrunsins í morgun og framkvæmt uppfærslu sem ræður bót á henni.
„Við erum að bíða og vona að þetta fari að kikka inn,“ segir Sigrún enn fremur.
Bókasöfn fara því aðrar leiðir til þess að sjá um útlán og endurnýjanir.
Guðrún Dís Jónatansdóttir hjá Borgarbókasafninu segir að hægt sé að hringja í afgreiðslu til þess að framlengja útlán eða heimsækja bókasöfnin.
Almannaöryggi ekki í hættu
Samkvæmt þeim upplýsingum sem liggja fyrir virðast afleiðingar kerfisvillunnar umfangslitlar hér á landi miðað við erlendis, þar sem erlend flugfélög hafa mörg þurft að aflýsa ferðum sínum.
Ekkert bendir til þess að Microsoft-bilanirnar sem skekja nú heimsbyggðina stefni almannaöryggi á Íslandi í hættu, að sögn embættis ríkislögreglustjóra.
Netbanki Landsbankans lá aftur á móti tímabundið niðri vegna villunnar.
Ók á hóp fólks á jólamarkaði: Einn látinn
Víkingar komnir yfir 800 milljónir í greiðslur
Samfylking og Viðreisn gáfu loforð
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
„Þetta er ríkisstjórn almannahagsmuna“
Ný ríkisstjórn kynnt á morgun
