Á sunnanverðu landinu verður bjart með köflum og nokkuð milt í dag. Hiti verði víða á bilinu 12 til 17 stig en nokkrar líkur á stöku síðdegisskúrum, að því er segir í hugleiðingum veðurfræðings Veðurstofu Íslands.

Þá segir jafnframt að fremur hæg norðvestlæg eða breytileg átt í dag, súld eða dálítil rigning norðanlands og fremur svalt miðað við það sem verið hefur.

Samfelld rigning annað kvöld

Á sunnanverðu landinu verður svipað veður í fyrramálið en þegar líður á morgundaginn nálgast lægð úr suðaustri með vaxandi vestan- og norðvestanátt.

Það bætir í úrkomu á Norður- og Austurlandi og verður 8-15 m/s um kvöldið og samfelld rigning á þeim slóðum og gæti orðið talsverð rigning sums staðar vestan Tröllaskaga og á annesjum nyrðra.

Veðurvefur mbl.is. 

Tengdar fréttir

Veður

Eldingar gætu fylgt skúrum í dag

• 20 gráða hiti margfalt líklegri úti á landi
• Skriður féllu á fimm stöðum
• Lægðadrög og úrkomubakkar fram að helgi
• Minnkandi líkur á yfir 20 stiga hita næstu daga

» Fleiri tengdar fréttir

• Blogga um frétt