Á sunnanverðu landinu verður bjart með köflum og nokkuð milt í dag. Hiti verði víða á bilinu 12 til 17 stig en nokkrar líkur á stöku síðdegisskúrum, að því er segir í hugleiðingum veðurfræðings Veðurstofu Íslands.
Þá segir jafnframt að fremur hæg norðvestlæg eða breytileg átt í dag, súld eða dálítil rigning norðanlands og fremur svalt miðað við það sem verið hefur.
Á sunnanverðu landinu verður svipað veður í fyrramálið en þegar líður á morgundaginn nálgast lægð úr suðaustri með vaxandi vestan- og norðvestanátt.
Það bætir í úrkomu á Norður- og Austurlandi og verður 8-15 m/s um kvöldið og samfelld rigning á þeim slóðum og gæti orðið talsverð rigning sums staðar vestan Tröllaskaga og á annesjum nyrðra.