Stolnar bifreiðar, innbrot, flutningar vegna veikinda og veitingagestir í annarlegu ástandi voru á meðal verkefna lögreglunnar frá kl. 5 í morgun til 17 síðdegis.
Þetta kemur fram í dagbók lögreglu.
Greint er frá því að lögreglan hafi stöðvað einstakling sem ók um á stolinni bifreið. Ökumaðurinn hafi reynst vera undir áhrifum fíkniefna og verður vistaður í fangageymslu þangað til hægt verður að taka skýrslu.
Eins var einn veitingagestur í miðbænum handtekinn fyrir að neita að greiða fyrir máltíð sína. Gesturinn var í annarlegu ástandi og var vistaður í fangageymslu.
Þá barst tilkynning um innbrot í Vesturbænum. Húsráðandi var heima og kom að meintum geranda en hann hljópst á brott. Ekki tókst að handsama einstaklinginn.