Aurskriða féll við Hítarvatn fyrr í mánuðinum. Þröstur Sveinn Reynisson jarðfræðiáhugamaður lagði leið sína að skriðunni í vikunni til þess að skoða hana.
Hann segir skriðuna hafa verið fremur stóra en hún féll helgina 13.-14. júlí. Segir hann um hefðbundna aurskriðu að ræða.
„Hún byrjar ofarlega í klettabeltinu, í kannski 400 til 500 metra hæð, einhvers staðar þar og nær næstum því að vatninu. Hún stoppar nokkrum metrum frá. Þetta er bara leðja, hún lekur bara hægt og rólega út í vatnið.“
Nánar má lesa um málið í Morgunblaðinu í dag, mánudag.