Kourani breytir um nafn og horfir til Bessastaða
Setja bókamerki
Glæpamaðurinn Mohamad Kourani, sem var á dögunum dæmdur í átta ára fangelsi fyrir tilraun til manndráps auk annarra brota, hefur fengið nafni sínu breytt.
Ber hann ekki lengur eftirnafnið Kourani heldur millinafnið Thor og eftirnafnið Jóhannesson, eða Th. Jóhannesson.
Þetta hefur mbl.is fengið staðfest en nafnið hefur þó ekki enn verið uppfært í Þjóðskrá.
Svipar nafninu til þess sem forseti Íslands, Guðni Th. Jóhannesson, ber. Forsetinn ber þó ekki millinafnið Thor heldur stendur Th. fyrir Thorlacius.
Með langan brotaferil að baki
Mohamad á langan brotaferil að baki hér á landi. Árið 2017 var hann dæmdur í 30 daga fangelsi fyrir skjalabrot.
Þá var Mohamad dæmdur í 12 mánaða fangelsi í Landsrétti 31. mars 2023 fyrir líkamsárás, húsbrot, brot gegn nálgunarbanni, eignaspjöll, fimm brot gegn valdstjórninni, tvær sprengjuhótanir, skjalafals, vopnalagabrot, umferðarlagabrot og sjö brot gegn sóttvarnarlögum.
Í mars var Mohamad dæmdur í héraðsdómi í 14 mánaða fangelsi fyrir líkamsárás, valdstjórnarbrot, sprengjuhótun, tilraun til sprengjuhótunar og umferðarlagabrot. Hann hefur áfrýjað þeim dómi.
Í júlí var Mohamad svo dæmdur í átta ára fangelsi fyrir tilraun til manndráps ásamt öðrum brotum. Hann hefur jafnframt áfrýjað þeim dómi.
Hámarkshraðinn lækkaður niður í 50 á brautinni
Mikill viðbúnaður vegna árásar í miðborginni
„Alls ekki beint gagnvart börnum eða unglingum“
Betri starfsandi á Íslandi
Fótbrotnaði eftir fall ofan í sprungu
Háskólanemar utan EES borgi
Grænt ljós á fjölorkustöð á Granda
Menningarnótt lauk með hvelli