Launavísitala í júní hækkaði um 0,5% frá fyrri mánuði, vísitala byggingarkostnaðar hækkar um 0,1% og vísitala framleiðsluverðs hækkaði um 1,2%.
Þetta kemur fram í tilkynningum frá Hagstofu Íslands.
Á sama tíma og launavísitala hækkaði, hækkaði vísitala grunnlauna um 0,7%. Síðastliðna tólf mánuði hefur launavísitalan hækkað um 6,0% og vísitala grunnlauna um 6,1%.
Vísitala byggingarkostnaðar í júlí 2024 hækkar um 0,1% frá fyrri mánuði.
Kostnaður við innflutt efni dróst saman um 0,2% en kostnaður við innlent efni jókst um 0,3%.
Þá jókst kostnaður við vélar, flutning og orkunotkun um 0,1%.
Vísitala framleiðsluverðs í júní 2024 hækkaði um 1,2% frá fyrri mánuði.
Framleiðsluverð sjávarafurða hækkaði um 2,1% og framleiðsluverð stóriðju hækkaði um 2,5%.
Þá hækkaði framleiðsluverð á matvælum um 0,1%.