Þyrla Landhelgisgæslunnar sótti veikan göngumann á Hornstrandir á tíunda tímanum í morgun. Þetta segir Hreggviður Símonarson, starfsmaður á bakvakt aðgerðarsviðs Landhelgisgæslunnar, í samtali við mbl.is.
Hann segir að ekki hefði verið um alvarleg veikindi að ræða, en að engin önnur leið hafi verið að manninum nema með þyrlu.
Þá var hann fluttur á sjúkrahúsið á Ísafirði til frekari skoðunar.