Kæra vararíkissaksóknara
Setja bókamerki
Stjórn hjálparsamtakana Solaris hefur kært Helga Magnús Gunnarssom, vararíkissaksóknara vegna ummæla sem hann lét fjalla um innflytjendur, flóttafólk og samtökin sömuleiðis.
Þetta kemur fram í tilkynningu frá samtökunum.
Vísað er til ummæla sem Helgi lét falla 16. og 19. júlí.
„Samtökin telja að ummælin feli meðal annars í sér rógburð og smánun vegna þjóðernisuppruna eða þjóðlegs uppruna, litarháttar, kynþáttar eða trúarbragða sem og ærumeiðingar samkvæmt almennum hegningarlögum.
Samtökin hafa tilkynnt sömu ummæli vararíkissaksóknara með formlegum hætti til ríkissaksóknara með tilliti til laga um réttindi og skyldur starfsmanna ríkisins og almennra hegningarlaga,“segir í tilkynningunni.
Jafnframt eru ummæli Helga sögð alvarleg vegna stöðu hans en þau grafi undan trausti til embættis ríkissaksóknara og ákæruvaldsins í heild. Þá hafi verið lögð fram formleg kvörtun til ríkissaksóknara vegna ummælana.
Sakaður um að ala á sundrung og fordómum
Vararíkissaksóknari var nýlega sakaður um að ala á sundrung og fordómum af Oddi Ástráðssyni lögmanni.
Sagði Oddur Helga vera að „heimfæra brot eins manns yfir á hóp sem hefur ekkert með málið að gera, og með því er hann að ala á sundrung og fordómum.“
Gagnrýni Odds kemur til vegna ummæla Helga vegna dóms yfir Mohamad Kourani sem féll fyrir stuttu. Kourani hafði staðið í hótunum við Helga en hann var meðal annars sakfelldur fyrir tilraun til manndráps og stórfellda líkamsárás.
Helgi sagði Ísland vera að breytast, hingað til lands væru að koma menn sem hafi önnur viðhorf til náungans, laga, reglna og mannréttinda.
Solaris berjist fyrir óheftum aðgangi fólks óháðum hugsanlegum tengslum við öfga- og hryðjuverkasamtök
Vararíkissaksóknari svaraði Oddi í Facebook-færslu þar sem hann sakaði Odd um dylgjur og atvinnuróg. Þá blandaði hann einnig Solaris samtökunum í málið.
„Þessi lögmaður, sem mun vera sonur Svandísar Svafarsdóttur ráðherra VG, virðist kippa í kynið varðandi afstöðu til innflytjendamála og mun, samkvæmt því sem mér er sagt, hafa afkomu sína að nokkru eða öllu undir vinnu fyrir eða í kring um innflytjendamál þar á meðal í þágu Solaris sem berst hörðum höndum fyrir nær óheftum aðgangi fólks frá miðausturlöndum að Íslandi,að því er virðist án þess að láta sig varða bakgrunn þess fólks og hugsanleg tengsl við öfga- og hryðjuverkasamtök,“ skrifaði Helgi.
Solaris svaraði í kjölfarið orðum Helga og sögðu hann gera sig vanhæfan. Þá eigi orð hans ekki við rök að styðjast en þau beri að fordæma.
„Með ummælum sínum gefur vararíkissaksóknari til kynna að Solaris samtökin tengist með einhverjum hætti einstaklingum sem hafa tengsl við öfga- og hryðjuverkasamtök og að fólk sem hingað kemur í leit að skjóli og vernd tengist upp til hópa slíkum hópum,“ sagði í tilkynningu frá samtökunum vegna orða Helga. Hvöttu samtökin ríkissaksóknara til þess að taka ummælin til skoðunar og hafa nú lagt fram kæru vegna þeirra.
„Mér finnst gamla Samfylkingin komin aftur“
„Tímabil aukinnar eldvirkni“
Alvarleg netárás á Wise
Beint: Ný ríkisstjórn tekin við völdum
Samfylking og Viðreisn gáfu loforð
Barn lést í árásinni
