Móðirin metin sakhæf í Nýbýlavegsmáli
Setja bókamerki
Matsmenn í máli fimmtugrar móður sem sökuð er um að hafa orðið sex ára syni sínum að bana, og gert tilraun til þess að deyða eldri son sinn sömuleiðis, hafa komist að þeirri niðurstöðu að konan sé sakhæf.
Þetta staðfestir Karl Ingi Vilbergsson saksóknari hjá héraðssaksóknara í samtali við mbl.is.
Þá segir hann að konan hafi játað sök.
„Hún játar þessa háttsemi sem henni er gefið að sök en telur sig hafa verið í þannig ástandi að verkið sé refsilaust“, segir Karl Ingi.
Yngri sonurinn látinn og sá eldri farinn í skólann
Málið kom upp í lok janúar á þessu ári. Lögreglunni á höfuðborgarsvæðinu berst útkall um klukkan 07:30 þann 31. janúar. Ljóst er að móðirin hafði sjálf samband við lögreglu en sex ára sonur hennar var látinn þegar lögreglu bar að garði. Þá var eldri sonur konunnar farinn í skólann.
Konan er af erlendu bergi brotin og bjó á Nýbýlavegi ásamt sonum sínum tveimur. Faðir drengjanna bjó annars staðar á Íslandi. Nýtur fjölskyldan alþjóðlegrar verndar og hefur verið búsett hérlendis í um 4 ár.
Drengurinn sem lést var nemandi í fyrsta bekk við Álfhólsskóla og var áfallateymi skólans virkjað í kjölfar andlátsins.
Ákærð fyrir manndráp
Móðir drengjanna var úrskurðuð í gæsluvarðhald vegna málsins að kvöldi 31. janúar og var úrskurðurinn kveðinn upp í Héraðsdómi Reykjaness. Málið var sent frá ákærusviði lögreglunnar til héraðssaksóknara í apríl. Ákæra var gefin út á hendur konunni í lok apríl og var málið þingfest þann 3. maí í Héraðsdómi Reykjaness. Þinghald var lokað.
Konan er annars vegar ákærð fyrir manndráp og stórfellt brot í nánu sambandi og hins vegar tilraun til manndráps og stórfellt brot í nánu sambandi.
Vaknaði við atlögu móður sinnar
Í ákærunni kemur fram að konan hafi svipt son sinn lífi með að setja kodda yfir andlit hans og með báðum höndum þrýst koddanum yfir vit hans, þrýst á háls hans og efri hluta brjóstkassa hans og ekki linað þau tök fyrr en drengurinn var látinn. Lést hann af völdum köfnunar að því er fram kemur í ákærunni.
Þá er hún sögð hafa farið inn í svefnherbergi eldri drengsins þar sem hann lá sofandi á maganum, tekið fyrir vit hans með annarri hendi og í hnakka hans með hinni. Þrýsti hún andliti hans niður í rúmið þannig að hann gat ekki andað. Vaknaði drengurinn við þessa atlögu og gat losað sig úr taki móðurinnar.
Fyrir hönd eldri drengsins er farið fram á að móðirin greiði honum 10 milljónir í bætur, en auk þess fer faðir drengjanna fram á 8 milljónir í bætur.
Segir af sér vegna tilræðisins
Lögin leyfi fólki ekki að flýja sögu sína
/frimg/1/50/58/1505804.jpg)
Hreinar línur í veðrinu næstu tíu daga
Hagkerfið kólnar hratt og vilja sjá vaxtalækkun
Ótrúleg atburðarás: 25 dagar frá kappræðum
Var aldrei að fara að byggja glerhöll eða gámahótel
/frimg/1/9/31/1093106.jpg)
Mohamad ekki sá eini: Þúsundir skipta ár hvert
„Teljum mjög litlar líkur á vaxtalækkun í ágúst“