Skoða veikleika í lögheimilisskráningu

Fjármála- og efnahagsráðuneytið segir bagalegt ef rétt reynist að veikleikar í skráningu á búsetu fólks hér á landi leiði til aukins kostnaðar fyrir íslenskt samfélag. 

Þetta kemur fram í svari ráðuneytisins við fyrirspurn mbl.is í kjölfar umfjöllunar þar sem greint var frá því að rúm­lega 11 þúsund er­lend­ir rík­is­borg­ar­ar sem hafa átt lög­heim­ili hér á landi ávinni sér áfram líf­eyr­is­rétt­indi úr ís­lenska al­manna­trygg­inga­kerf­inu þrátt fyr­ir að hafa yf­ir­gefið landið.

Frétt af mbl.is

Ávinna sér réttindi þrátt fyrir flutninga

Mikilvægt að lögheimilisskráning gefi raunsanna mynd

Er það mat fjármála- og efnahagsráðuneytisins að mikilvægt sé að yfirfara fyrirkomulag við skráningu búsetu og tengsl hennar við réttindi fólks sem myndast hér á landi í því sambandi, að því er fram kemur í svarinu. 

„Mikilvægt er allra hluta vegna að lögheimilisskráning á hverjum tíma gefi raunsanna mynd af búsetu fólks í landinu. Ráðuneytið mun eiga frumkvæði að því að yfirfara þetta mál með hlutaðeigandi ráðuneytum.“

• Blogga um frétt