Segir Kínverja vinna í þágu friðar
Setja bókamerki
He Rulong, sendiherra Kína á Íslandi, segir Kína fylgja utanríkisstefnu í þágu friðar.
Þetta kemur fram í grein hans sem birtist í Morgunblaðinu í dag.
„Kína fylgir staðfastlega sjálfstæðri utanríkisstefnu í þágu friðar og uppbyggingar alþjóðasamfélags sameiginlegrar framtíðar alls mannkynsins þar sem áhersla er lögð á sameiginleg gildi,“ skrifar Rulong.
Kína leggi áherslu á friðsamlega samvinnu
Þá segir Rulong að kínversk stjórnvöld telji mikilvægt að vinna friðsamlegra með öðrum ríkjum.
„Kína leggur áherslu á alþjóðleg þróunarverkefni, alþjóðlegt öryggi og heimsmenningu sem einkennist af jafnrétti. Jafnframt er hvatt til fjölpólasamvinnu í þágu sameiginlegra hagsmuna þar sem allir jarðarbúa njóta góðs af efnahagslegri hnattvæðingu heimsins. Þetta kann að hljóma ankannalega á tímum þegar svæðisbundin átök magnast. En þessi afstaða Kína mótast af sannfæringu um mikilvægi friðsamlegrar samvinnu við önnur ríki. Þetta endurspeglast í starfi þess í þágu friðar á vettvangi Sameinuðu þjóðanna,“ skrifar Rulong.
Loks hvetur Rulong Íslendinga til að heimsækja sitt heimaland. Þar sé hægt að kynnast landi þar sem fólk beri traust til framtíðar sinnar og vinnur saman með í þágu vináttu og góðvilja í friðsælum heimi.
„Kínverska leiðin til nútímavæðingar einkennist af stigvaxandi opnun og friðsælu umhverfi eins og árangur Kínverja á undanförnum árum ber vott um. Ég hvet Íslendinga eindregið til að heimsækja Kína. Þá geta þeir séð með eigin augum þann árangur sem við höfum náð. Á fyrri hluta þessa árs heimsóttu samtals 14.635 milljónir erlendra ferðamanna Kína. Það er 152,7% vöxtur milli ára. Ég hvet lesendur þessara lína til að fylgja í fótspor þeirra. Þá getið þið kynnst landi þar sem fólk ber traust til framtíðar sinnar og vinnur saman með nýstárlegum aðferðum í þágu vináttu og góðvilja í friðsælum heimi.“
„Björguðu lífi þessa fólks“
„Þú ert bara orðin miðaldra kona“
Hagkerfið kólnar hratt og vilja sjá vaxtalækkun
Túlkar að verið sé að gera gys að þjóðinni
Skipulagði aðgerðir fyrir Ólympíuleikana
Fjöldi tungumála áskorun