Ökumaður fólksbílsins, annars tveggja bíla sem lentu í hörðum árekstri á gatnamótum Miklubrautar og Lönguhlíðar í gærkvöldi, var í órétti þar sem hann ók yfir á rauðu ljósi.
Sá bílstjóri virðist óslasaður, en farþegar í jeppanum sem ekið var í veg fyrir eru með minniháttar meiðsli.
Þetta staðfestir Unnar Már Ástþórsson, aðalvarðstjóri hjá lögreglunni á höfuðborgarsvæðinu, í samtali við mbl.is.
Líðan ökumanna og farþega sem lentu í hörðum árekstri á gatnamótum Miklubrautar og Lönguhlíðar í gærkvöldi er góð.
Ökumennirnir fengu aðhlynningu á vettvangi frá sjúkraflutningamönnum áður en þeir voru sendir á bráðamóttökuna.