Hæg norðlæg átt mun ríkja í dag með dálítilli rigningu á norðanverðu landinu og þokubökkum úti við sjávarsíðuna.
Sunnan heiða birtir smám saman til en stöku skúrir verða á Suðausturlandi.
Dálítil lægð suðaustur af landinu þokast norður á bóginn og fjarlægist landið á morgun.
Ný lægð nálgast þó af Grænlandshafi og gengur þá í sunnankalda. Fer þá að rigna vestan til seinni partinn.
Fremur svalt verður á norðanverðu landinu og með austurströndinni, en annars þokkalegur hiti.