Fluglitakóði fyrir Kötlu hefur verið færður upp á gult. Jökulhlaup hófst í dag í Skálm austan Mýrdalsjökuls og jökulvatn flæðir yfir þjóðveginn á svæðinu.
Gulur fluglitakóði getur merkt að eldstöðin sýni merki um virkni „umfram venjulegt ástand,“ samkvæmt vef Veðurstofunnar.
Ekki er útilokað að eldgos hafi hleypt hlaupinu af stað.
Böðvar Sveinsson náttúruvársérfræðingur á Veðurstofu Íslands sagði í samtali við mbl.is í dag að mikill kraftur væri í hlaupinu en þess mætti vænta að toppnum væri ekki enn náð.