Hlutfallslega flestir fóru í Voga
Setja bókamerki
Nú búa um 1.900 manns í sveitarfélaginu Vogum á Vatnsleysuströnd og hefur íbúum því fjölgað um tugi prósenta frá byrjun síðasta árs. Meginskýringarnar eru uppbygging á nýju íbúðahverfi og aðflutningur Grindvíkinga eftir hamfarirnar síðasta haust.
Gunnar Axel Axelsson er bæjarstjóri sveitarfélagsins Voga.
„Nú eru um 1.704 einstaklingar með skráð lögheimili í Vogum. Til viðbótar eru hátt í 200 Grindvíkingar búsettir í Vogum en með skráð lögheimili í Grindavík. Þannig að það búa í raun um 1.900 manns í sveitarfélaginu,“ segir Gunnar Axel.
Voru innan við 1.400
Eins og Morgunblaðið hefur sagt frá stendur nú yfir mikil uppbygging í Grænubyggð, nýjasta hverfi Voga, en um 450 íbúðir verða byggðar í fyrsta áfanga hverfisins. Íbúðirnar eru almennt ódýrari en gengur og gerist á höfuðborgarsvæðinu, og þótt víðar væri leitað, og hefur það laðað fólk til bæjarins.
Gunnar Axel rifjar upp að í ársbyrjun 2023 hafi íbúar bæjarins verið 1.337 talsins, samkvæmt nýlegri endurskoðun á íbúafjöldanum, og því vel innan við 1.400 manns búið í bænum.
Samkvæmt því hefur íbúunum fjölgað um 27% á rúmu einu og hálfu ári.
„Það birtist um daginn frétt um að ríflega 3.000 Grindvíkingar af um 3.700 væru enn skráðir með lögheimili í bænum. Við vitum ekki hvernig þetta endar með Grindvíkingana en samkvæmt þeim upplýsingum sem við höfum eru nú yfir 10% íbúa í Vogum með skráð lögheimili í Grindavík.“
Nánar má lesa um málið í Morgunblaðinu í dag, laugardag.
Lakari afkoma en áætlað var
Stefnt að stjórn fyrir áramót: Ráðuneytum fækkað
/frimg/1/53/59/1535960.jpg)
Hlutu styrk upp á 3,5 milljarða
Vöruhús byggt við íbúðablokk
Myndskeið: Ekkert lát á skógareldunum í Malibu
Nýbakaður tvíburapabbi vann 35 milljónir
„Menn eiga alltaf að fá annað tækifæri“