Helgi verði leystur frá störfum tímabundið
Setja bókamerki
Ríkissaksóknari hefur óskað eftir því að Helgi Magnús Gunnarsson vararíkissaksóknari verði tímabundið leystur frá störfum vegna kæru sem hann á yfir sér frá hjálparsamtökunum Solaris.
Stjórn hjálparsamtakana Solaris kærði Helga vegna ummæla sem hann lét fjalla um innflytjendur, flóttafólk og samtökin sömuleiðis. Stjórnin tilkynnti ummælin einnig til ríkissaksóknara með tilliti til laga um réttindi og skyldur starfsmanna ríkisins og almennra hegningarlaga.
Nú hefur Sigríður Friðjónsdóttir lagt til við dómsmálaráðherra að Helgi verði tímabundið leystur frá störfum, samkvæmt umfjöllun Vísis sem segir tillöguna tengjast kærunni.
Blaðamaður mbl.is hefur hvorki náð sambandi við Helga Magnús né fengið staðfestingu frá Sigríði við vinnslu fréttar.
„Eina sem stoppar þá er hnefinn“
Helgi hefur rætt við fjölmiðla vegna máls Mohamad Th. Jóhannessonar, áður Kourani, sem hefur haft í hótunum við Helga og fjölskyldu hans. Mohamad var nýlega dæmdur í átta ára fangelsi.
„Það eina sem stoppar þá er hnefinn, valdbeiting,“ sagði Helgi um innflytjendur frá Mið-Austurlöndum þegar hann var í viðtali við Vísi um miðjan mánuð.
Ummælin vöktu sterk viðbrögð. Oddur Ástráðsson lögmaður sagði orðræðuna ala á sundrung og fordómum.
Helgi lét þá einnig hörð ummæli falla um Odd.
Í Facebook-færslu sagði hann lögmanninn, í samvinnu við Solaris, „berjast hörðum höndum fyrir nær óheftum aðgangi fólks frá miðausturlöndum að Íslandi, að því er virðist án þess að láta sig varða bakgrunn þess fólks og hugsanleg tengsl við öfga- og hryðjuverkasamtök“.
Solaris telur að Helgi hafi gert sig vanhæfan með ummælunum. „Um er að ræða háttsemi sem varpar rýrð á störf hans sem vararíkissaksóknari, á embætti ríkissaksóknara og ákæruvaldið almennt.“
Vatnshæð fer lækkandi
Besti dagur sumarsins í Reykjavík um helgina
/frimg/1/38/77/1387784.jpg)
Jökulhlaup hafið: Flæðir yfir þjóðveginn
„Það þarf að vera fullkomið gagnsæi um þessi kaup“
„Ber öll merki þess að koma frá litlu eldgosi“
/frimg/1/50/64/1506412.jpg)
Höfuðpaur réði og rak fólk og veitti því hlunnindi
Hafði getað orðið egg á andliti mínu
Sólskinsstundir í júlí 62 stundum undir meðallagi