Sauðfé líklega orðið jökulhlaupinu að bráð
Setja bókamerki
/frimg/1/39/92/1399244.jpg)
Jóhannes Gissurarson, bóndi á Herjólfsstöðum í Álftaveri, telur rökrétt að halda að eitthvað sauðfé hafi orðið jökulhlaupinu að bráð, sem hófst í Skálm á laugardag.
Hann segir jökulhlaup ekki ný af nálinni á þessum slóðum en að þetta hafi verið stórt.
„Þetta er ekkert nýtt en þetta er með því allra stærsta á undanförnum árum. Ég myndi halda að þetta væri síst minna en Múlakvíslarhlaupið 2011, ef ekki meira. Þetta er gríðarlegt flæmi sem dreifist um fyrir ofan þjóðveg 1,“ segir hann.
Kemur í ljós í haust
Jökulhlaupið náði ekki yfir tún Jóhannesar en hann á þó sauðfé á svæðinu sem flæddi yfir.
Fór Jóhannes með 150 kindur og lömb á þessar slóðir fyrir mánuði síðan. Hann fór í gær að kanna hvort hann sæi sauðfé í nauðung.
Jóhannes segir ómögulegt að vita með vissu hvort féð hafi sloppið fyrr en í smölun í haust. Hann er þó hræddur um að fé hafi verið á því svæði sem hlaupið fór yfir.
„Mér finnst rökrétt að halda það að hafi verið að einhverju leyti slíkar aðstæður sem urðu þess valdandi að það tapaðist [sauðfé],“ segir hann.
Áður komið minni hlaup í Leirá
Bendir hann á að frá 2014 hafi vatn úr Leirá fundið sér farveg í Skálm. Upptök hlaupsins komi úr jöklinum í Leirá, sem svo renni í Skálm.
Hann nefnir að áður hafi komið minni hlaup í Leirá en með þeim hlaupum hafi farvegurinn í Leirá fyllst. Þá myndaðist nýr farvegur sem rennur í Skálm.
„Það sem gerist, þrátt fyrir að við værum í stöðugu sambandi við Landgræðslu, Vegagerð og Almannavarnir og þær stofnanir sem manni datt í hug að gætu hjálpað í þessu máli, þá gerðist ekki neitt,“ segir Jóhannes og bætir við að Skálmarbrú hafi ekki verið gerð til að standast svona kröftug hlaup.
Beint: Ný ríkisstjórn tekin við völdum
Ný ríkisstjórn kynnt á morgun
„Tímabil aukinnar eldvirkni“
„Mér finnst gamla Samfylkingin komin aftur“
Funda með þingflokkum
Lát hjóna í Neskaupstað: Ákæra gefin út
Barn lést í árásinni
