Á morgun er útlit fyrir fremur hæga vestlæga átt á landinu. Víða verður skýjað og smávegis væta á víð og dreif. Suðausturhluti landsins ætti hins vegar að fá þurran og bjartan dag á morgun með hita allt að 18 stig.

Þetta kemur fram í hugleiðingum veðurfræðings á Veðurstofu Íslands.

Rigning í dag

Þá verður rigning af og til sunnlands í dag. Hlýjast verður norðaustanlands.

„Lægðin sem olli veðri gærdagsins er stödd skammt suðvestur af landi og nær hún að viðhalda rigningu af og til sunnanlands í dag.

Í öðrum landshlutum ætti að rofa til þegar kemur fram á daginn og jafnvel eitthvað að sjást til sólar, en þó geta stöku skúrir látið á sér kræla. Vindur gengur víða niður síðdegis. Hlýjast í dag verður væntanlega norðaustanlands, 19-20 stig þegar best lætur,“ segir í hugleiðingunum. 

Veðurvefur mbl.is.

Tengdar fréttir

Veður

Hreinar línur í veðrinu næstu tíu daga

• Gul viðvörun á miðnætti
• Bætir í vind og úrkomu í dag
• Hiti á bilinu 12 til 17 stig og síðdegisskúrir
• Eldingar gætu fylgt skúrum í dag

» Fleiri tengdar fréttir

• Blogga um frétt