Ekki talið við hæfi að ráðherra tjái sig
Setja bókamerki
Tillaga ríkissaksóknara um að leysa Helga Magnús Gunnarsson vararíkissaksóknara tímabundið frá störfum er „til athugunar“ hjá dómsmálaráðuneytinu. Ráðuneytið telur ekki við hæfi að ráðherra eða starfsmenn ráðuneytisins tjái sig um málið að svo stöddu.
Dómsmálaráðuneytinu barst á dögunum erindi frá Sigríði J. Friðjónsdóttur ríkissaksóknara þar sem lagt var til að Helgi yrði tímabundið leystur frá störfum. Tengist þetta áminningu sem hún gaf Helga vegna ummæla hans um hinsegin fólk og hælisleitendur.
Starfsmannamál hjá embætti æðsta handhafa ákæruvalds
„Ríkissaksóknari vísar þar [í erindi sínu] málefnum tengdum tjáningu vararíkissaksóknara til dómsmálaráðherra þar sem dómsmálaráðherra er það stjórnvald sem skipaði hann í embætti vararíkissaksóknara,“ segir í yfirlýsingu frá ráðuneytinu.
„Þar sem hér er um að ræða starfsmannamál hjá embætti æðsta handhafa ákæruvalds í landinu og erindið er til athugunar hjá dómsmálaráðuneytinu, er ekki við hæfi að ráðherra eða starfsmenn ráðuneytisins tjái sig um málið á meðan á málsmeðferð stendur.“
Nokkur tilvik
Sigríður kveðst hafa veitt Helga áminningarbréf 2022 þar sem fram hafi komið að niðurstaða ríkissaksóknara væri að með tjáningu sinni, ummælum og orðfæri í opinberri umræðu, hafi háttsemi Helga Magnúsar utan starfs hans sem vararíkissaksóknara verið ósæmileg og ósamrýmanleg starfi hans.
Sú háttsemi hafi varpað rýrð á störf hans sem vararíkissaksóknara, á embætti ríkissaksóknara og ákæruvaldið almennt. Um nokkur tilvik var að ræða sem náðu aftur til ársins 2017, að sögn Sigríðar.
Helgi sagðist í samtali við mbl.is í dag vera ósammála því að ummæli sín á opinberum vettvangi hefðu varpað rýrð á störf hans.
Á kæru yfir höfði sér frá Solaris
Helga var gefinn kostur á að bæta ráð sitt með því að ítreka ekki ávirðingar eða háttsemi af því tagi sem lýst var í bréfinu.
Sigríður telur nú að hann hafi ekki bætt ráð sitt en þetta nú á meðan Helgi á yfir höfði sér kæru frá hjálparsamtökunum Solaris.
Sú kæra tengist nýlegum ummælum hans um innflytjendur, flóttafólk og samtökin sömuleiðis.
Solaris sendu Sigríði einnig sérstaka ábendingu um ummæli Hlega með tilliti til laga um réttindi og skyldur starfsmanna ríkisins og almennra hegningarlaga, að sögn samtakanna.
„Þetta er ríkisstjórn almannahagsmuna“
Var engin kristnitaka árið 1000?
Alvarleg netárás á Wise
/frimg/1/53/78/1537870.jpg)
Í kaffi með Vigdísi
Hrikalegt að heyra fréttirnar
Segir að verið sé að svindla á Bandaríkjunum
