Ástandið á gönguslóða við Leirhnjúk í Mývatnssveit er vægast sagt slæmt og býður hættunni heim, að sögn Bjarna Meyer Einarssonar ökuleiðsögumanns. 

„Ég myndi nú segja að þetta skapi meiri hættu en góða ferðaupplifun,“ segir Bjarni í samtali við mbl.is.

Hann hefur unnið sem ökuleiðsögumaður í 14 ár og segist sjaldan hafa orðið var við jafn slæmar aðstæður á öðrum ferðamannastöðum sem hann hefur heimsótt. 

Hann segir ferðamenn varla komast leiðar sinnar nema með því að ganga út af stígnum. Ljósmynd/Aðsend

Hættulegir göngustígar

Gönguslóðinn og göngupallarnir sem um ræðir liggja að Leirhnjúk og eru verulega laskaðir að sögn Bjarna.

Venjulega eru slíkir göngustígar lagðir til að stýra umferð og koma í veg fyrir að fólk raski landinu í kring. 

Bjarni segir þó að fólk virðist ekki eiga annarra kosta völ en fara út af slóðanum til að halda áfram leið sinni. 

„Ég sé á þessu svæði að það er töluvert af fótsporum utan við og það má þá draga þá ályktun að það sé vegna þess að göngustígarnir eru hættulegir,“ segir hann.

Tröppur við Leirhnjúk. Ljósmynd/Aðsend

Tengdar fréttir

Ferðamenn á Íslandi

Ísland orðið of dýrt

• Færri ferðamönnum gæti fylgt hraðari lækkun stýrivaxta
• Var aldrei að fara að byggja glerhöll eða gámahótel
• Láta vonskuveður ekki stoppa sig
• Beint: Þúsundir horfa á Íslandsferð kóreskrar stjörnu

» Fleiri tengdar fréttir

• Blogga um frétt