Snekkja Ratcliffes liggur rispuð við Grandabakka

Lúxussnekkja Jims Ratcliffes, bresks auðkýfings og landeiganda í Vopnafirði, liggur rispuð við Grandabakka í Reykjavíkurhöfn.

Þegar vegfarandi átti leið fram hjá glæsifleyinu sá hann einn hásetann undirbúa málningarvinnu eftir að hafa pússað yfir rispurnar í lakkinu.

Lakkið á snekkjunni virðist skemmt. Einn hásetinn var þegar búinn að pússa rispurnar þegar vegfaranda bara að. Hann átti þó eftir að mála yfir þær. Ljósmynd/Aðsend

Snekkjan, sem nefnist Sherpa, var smíðuð árið 2018 og siglir undir þjóðfána Cayman-eyja.

Sherpa er metin á 100 milljónir bandaríkjadala, eða um 14 milljarða króna, að sögn Superyachtfan.

Snekkjan er 73,6 metra löng og er í 236. sæti yfir þær stærstu í heimi. Hún var smíðuð af Feadship í Hollandi árið 2018.

Ratclif­fe á aðra snekkju sem nefn­ist Hamps­hire II og var hún einnig smíðuð af Feads­hip. Hún er met­in á 150 millj­ón­ir banda­ríkja­dala, eða um 21,5 millj­örðum króna.

Lúxussnekkjan Sherpa var smíðuð árið 2018. Ljósmynd/Aðsend

Stærsti landeigandi á Íslandi

Ratcliffe er þekktur Íslandsvinur og hefur frá árinu 2016 verið stærsti landeigandi á Íslandi, þar sem hann keypti Grímsstaði á Fjöllum.

Fyrirtæki hans, Six Rivers Iceland, heldur utan um helstu laxveiðiár á Norðausturlandi. Fyrirtækið stendur nú fyrir alþjóðlegu verkefni með það að leiðarljósi að vernda atlantshafslaxinn. 

Þá stendur hann einnig fyrir hóteluppbyggingu á Vopnafirði í tengslum við laxveiði.

Eins og frægt varð eignaðist hann hlut í enska knattspyrnuliðinu Manchester United um jólin. Kaupverðið nam um 1,3 milljörðum punda.

Frétt af mbl.is

Gætu selt nafn Old Trafford

• Blogga um frétt