Auknar líkur eru á kvikuhlaupi og jafnvel eldgosi á næstu dögum. Skjálftum á Sundhnúkagígaröðinni fjölgar hægt og telja sérfræðingar Veðurstofu Íslands nægan þrýsting hafa byggst upp í kerfinu til að koma af stað nýjum atburði. 

Í tilkynningu frá Veðurstofunni segir að GPS-mælingar sýni að síðustu daga hafi örlítið hægst á landrisi. Það, samhliða aukinni skjálftavirkni líkt og mældist í gær, gefi vísbendingar um að það styttist í næsta kvikuhlaup og jafnvel eldgos. 

Aukin smáskjálftavirkni mældist á Sundhnúkagígaröðinni í gær og stóð yfir í um 50 mínútur. 

Vísbendingar um að skammt sé í kvikuhlaup eða eldgos

GPS-mælingar sýna að síðustu daga hefur hægt örlítið á landrisinu. Þegar sú þróun í landrisi fer saman við jarðskjálftavirkni líkt og mældist á Sundhnúkagígaröðinni í gær, eru það vísbendingar um að það styttist í næsta kvikuhlaup og jafnvel eldgos. Því eru auknar líkur á að það dragi til tíðinda á næstu 7-10 dögum.

Hættumat er óbreytt frá síðustu viku.

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt