Vegagerðin varar vegfarendur við hvassviðri á vestan- og suðvestanverðu landinu í nótt og á morgun.
Í athugasemdum veðurfræðings á umferðarvef Vegagerðarinnar segir að reiknað sé með hviðum allt að 30-35 m/s á Kjalarnesi, undir Hafnarfjalli og einnig á norðanverðu Snæfellsnesi.
Búist er við slíkum vindhviðum í nótt og þar til síðdegis á morgun. Mögulega gengur þetta ekki niður fyrr en annað kvöld, að sögn veðurfræðings.