Tón­list­armaður­inn Ingólf­ur Þór­ar­ins­son, bet­ur þekkt­ur sem Ingó veðurguð, segist hafa spilað á mörgum viðburðum síðustu þrjú ár, og fengið góð viðbrögð alls staðar, en enn sé fólk sem reyni að eyðileggja alla hans viðburði.

Ingó verður með tónleika í Skógarböðunum á Akureyri á laugardag. Fjöldi fólks hefur skrifað ummæli undir Facebook-færslu baðanna og gagnrýnt það að hann spili þar. 

Fyrir rúmum þremur árum var Ingó sakaður um kynferðisofbeldi. Hann hefur neitað sök. 

Frétt af mbl.is

Ingó veðurguð sakaður um kynferðisofbeldi

Aldrei verið ákærður fyrir ofbeldisbrot

„Þetta hefur tekið á bæði mig og alla mína fjölskyldu og vini en ég ákvað í upphafi að halda mínu striki þar sem tíminn myndi leiða í ljós að ég var aldrei í þessum hræðilegu hlutum og þetta væri dæmi um nafnlaust bull sem varð að snjóflóði. Ég tel það hafa komið ágætlega í ljós þó erfitt sé að sanna sakleysi sitt,“ skrifar Ingó á Facebook.

Þá ítrekar Ingó að hann hafi aldrei verið ákærður fyrir ofbeldisbrot. Hann hvetur fólk til að hugsa sig um áður en það fremji „mannorðsmorð á internetinu“.

„Ef þeir sem völdin hafa fara ekki að átta sig á skaðanum sem allt cancel culture og vók hyskið er að valda í kringum sig verður að lokum ofbeldi eina svarið,“ skrifar Ingó.

Tengdar fréttir

Ingó Veðurguð

Ingó sendir konu kröfubréf

• Ingó veðurguð spilar á Goslokahátíð
• Ingó áfrýjar málinu gegn Sindra
• Ekkert sem komi á óvart
• Telur ekki rétt að málið sé byggt á kjaftasögum

» Fleiri tengdar fréttir

• Blogga um frétt