Unnið er að viðgerðum eftir að röskun varð á ljósleiðarastreng um helgina þegar að Mýrdalsjökull hljóp fram í ána Skálm.

Stærðarinnar jökulhlaup, upp á allt að þúsund rúmmetra á sekúndu, hófst úr Mýrdalsjökli á laugardag og flóð úr jöklinum skemmdi um 700 metra vegkafla á hringveginum.

Atli Stefán Yngvason, sérfræðingur hjá Mílu, útskýrir í samtali við mbl.is að vatn úr jökulhlaupinu hafi lagt mikið álag á ljósleiðarastreng á svæðinu, sem hafði tilheyrandi áhrif á sambönd Mílu í kringum Kirkjubæjarklaustur og nágrenni.

Frétt af mbl.is

Sauðfé líklega orðið jökulhlaupinu að bráð

„Við það að slitna“

„Það er eins og hann væri við það að slitna,“ segir Atli en strengurinn slitnaði blessunarlega ekki. „[Álagið] veldur svokallaðri deyfingu sem dregur öll gæðin niður á ljósleiðaranum svæðinu.“

Hann segir að mestra áhrifa gæti á Kirkjubæjarklaustri en kveður áhrifin annars minniháttar.

Í gær lauk viðgerðum á einu svæði þar sem strengurinn varð fyrir hnjaski, að sögn Atla. Aftur á móti eigi enn eigi eftir að klára viðgerðir í Ásum, en það hefur reynst erfitt vegna vatnsmagns.

„Þegar því lýkur ætti kerfið að vera komið á góðan stað.“

Frétt af mbl.is

Ljósleiðaraslit líklegt vegna jökulhlaups

Tengdar fréttir

Katla

Telur bændurna hafa rétt fyrir sér

• Sérfræðingar Veðurstofunnar komnir austur
• „Var bara ekkert hlustað á okkur“
• Segir bændur í Álftaveri vilja varnargarða
• „Það er bara allt á fullu“

» Fleiri tengdar fréttir

• Blogga um frétt