Tveir skjálftar af stærðinni 3,3 og 2,7 mældust á Reykjaneshrygg suðvestan af Eldey um klukkan 13 í dag.
Nokkuð hefur verið um skjálfta á svæðinu en í gærkvöldi mældist þar skjálfti af stærðinni 3.
Lovísa Mjöll Guðmundsdóttir, náttúruvársérfræðingur hjá Veðurstofu Íslands, segir ekkert óeðlilegt við skjálftana og að þeir tengist ekki atburðunum við Grindavík.
„Þessi sem var í gærkvöldi var við Reykjanestá og þessir sem voru að mælast núna eru langt úti á hrygg. Það tengist í rauninni ekkert virkninni við kvikuganginn eða neitt svoleiðis. Þetta eru bara flekaskil,“ segir Berglind og bætir við að skjálftar af þessari stærðargráðu séu algengir á svæðinu.