Skjálftavirkni á Reykjanesskaga hefur haldist stöðug síðustu daga, með minniháttar skjálftavirkni, og virðist allt með kyrrum kjörum.
Þetta segir náttúruvársérfræðingur hjá Veðurstofu Íslands í samtali við mbl.is, en eins og greint var frá í gær er kerfið í raun svo gott sem tilbúið og gert er ráð fyrir að gjósi á næstu einni til tveimur vikum, komi til eldgoss.
Síðasta eldgosi við Sundhnúkagíga lauk 9. maí.