Sævar fékk óvæntar fréttir í Tyrklandi

„Þetta er draumauppfærsla sem útilokar umtalsverða fötlun sem frumstæðari aðferðir gætu valdið, og í raun hálfótrúleg niðurstaða,“ segir Sæv­ar Daní­el Kolanda­velu. 

Sævar er 38 ára gam­all faðir, hug­vís­indamaður, tón­list­armaður og rit­höf­und­ur sem leitaði nýverið til Tyrklands eftir átta ára langa baráttu vegna meðfædds stoðkerfisgalla sem olli því að hann slasaðist al­var­lega við æf­ing­ar árið 2016.

Hefur íslenska heilbrigðiskerfið að sögn Sævars alfarið hafnað alvarleika ástandsins.

Í færslu á Facebook-reikningi sínum í dag lýsir Sævar því að yfirlæknir í Istanbúl hafi sent sér skurðáætlun sem sé tilbúin til framkvæmdar 13. ágúst næstkomandi, eða eftir tvær vikur, ef allt gengur eftir.

Frétt af mbl.is

Leitar til Tyrklands eftir 8 ára baráttu

Sævar reynir nú að safna fjármagni til að geta gengist undir aðgerðina eftir tvær vikur. mbl.is/Eyþór

Smá spölur eftir í fjármögnun aðgerðarinnar

Lausnin kallast „vertebral tethering body stabilization“ en notast er við teflon-þráð til að festa liðina saman. Einnig verður byggð upp langtímaáætlun til að endurbyggja liðbandið með stofnfrumum og ígræðslu og til að tryggja óstöðuga áverkann.

Aðgerðin kostar aftur á móti sitt eða um 35.000 evrur. Þegar allur ferðakostnaður og önnur gjöld hafi verið greidd hafi hann safnað á bilinu 25-27 þúsund evrum í aðgerðasjóð og því smá spölur eftir.

Biðlar Sævar því til fólks að hjálpa sér síðasta spölinn með því að veita frjáls framlög í gegnum styrktarreikning eða versla vörur í gegnum samfélagsmiðla hans þar sem fjármagnið renni til styrktarsjóðsins. 

Hægt er að styrkja fjármögnun læknismeðferðar Sævars í gegnum eftirfarandi reiknings upplýsingar:

Reikningsnúmer: 0537-26-000896
Kennitala: 160985-3139

• Blogga um frétt