Miðflokkurinn mælist nú með sitt mesta fylgi frá upphafi mælinga Gallup á sama tíma og Sjálfstæðisflokkurinn hefur aldrei mælst með minna fylgi. Vinstri græn næðu ekki manni á þing.

Þetta kemur fram í nýrri könnun Gallup sem RÚV greinir frá.

Samfylkingin mælist með 27,6% fylgi á sama tíma og Sjálfstæðisflokkurinn mælist með 17,2% fylgi. Eins og áður segir hefur Sjálfstæðisflokkurinn aldrei í sögu mælinga hjá Gallup mælst með svona lítið fylgi.

Miðflokkur heldur áfram að toppa sig

Miðflokkur mælist með 14,6% fylgi sem er mesta fylgi þeirra frá upphafi mælinga Gallup. Þetta er þó á pari við mælinguna fyrir mánuði síðan þar sem þeir mældust með 14,5% fylgi, sem var þá þeirra besta mæling frá upphafi.

Viðreisn mælist með 8,8% fylgi og Flokkur fólksins 8,6%. Píratar eru með 7,8% og mælast með meira fylgi en Framsókn sem mælist með 7,2% fylgi.

VG nær ekki manni á þing

Sósíalistaflokkurinn mælist með 4,7% fylgi og er með meira fylgi en Vinstri græn sem mælast með 3,5% fylgi og myndu ekki fá mann inn á þing.

27% svarenda segjast styðja ríkisstjórnina.

Guðmundur Ingi Guðbrandsson er starfandi formaður Vinstri grænna. mbl.is/Eggert Jóhannesson

Tengdar fréttir

Alþingi

Ríkisstjórnin leggur nýtt gjald á nikótínvörur

• Næstu skref þingforseta óráðin
• Beint: Bjarni tilkynnir um þingrof og kosningar
• Lilja aðstoðar Þórdísi
• „En sagan er auðvitað lengri en þetta“

» Fleiri tengdar fréttir

• Blogga um frétt