„Við erum að festa tjöldin okkar extra vel niður þannig þetta haldi nú vonandi,“ segir Jónas Guðbjörn Jónsson formaður þjóðhátíðarnefndar en mikilli úrkomu og sterkum vindhviðum er spáð þegar dagskrá hátíðarinnar hefst annað kvöld.

Í gærkvöldi reistu Vestmannaeyingar tjaldsúlur hinna víðfrægu hvítu tjalda í úrhelli og roki en Jónas segir veðrið hafa skánað síðan.

„Það er gott veður hjá okkur núna þannig það gengur bara ljómandi vel. Það eru allir byrjaðir að tjalda hvítu tjöldunum og eru hérna að flytja heilu búslóðirnar inn í þau,“ segir Jónas.

Frétt af mbl.is

Setja upp tjaldsúlur í úrhelli og „suðaustanógeði“

Tjöldin eru fest kirfilega niður í Herjólfsdal. mbl.is/Óskar

„Maður veit aldrei. Við búum nú á Íslandi“

Spurður hvort þurfi að gera sérstakar ráðstafanir við tjöldunina vegna veðurspárinnar segir Jónas svo vera.

„Við hvetjum fólk sem er að tjalda hvítu tjöldunum til að gera það líka. Svo fylgjumst við með veðurspánni og erum bara tilbúin,“ segir hann.

Spurður hvort hann hafi trú á að veðrið komi til með að setja strik í reikninginn hvað stemmningu varðar segir Jónas: „Maður veit aldrei. Við búum nú á Íslandi. En við vonum bara það besta.“

Tengdar fréttir

Verslunarmannahelgin

Brekkan jafnar sig alltaf

• „Kannabis og eitthvað af hvítu“
• Engin nauðgun tilkynnt í Eyjum
• „Rjóminn af samfélaginu“ á Flúðum
• Myndir: Drullusvað og biðraðir úr eyjum

» Fleiri tengdar fréttir

• Blogga um frétt