Hópur unglinga slóst við hóp vinnumanna

Lögreglan á höfuðborgarsvæðinu var kölluð til vegna slagsmála á milli hóps unglinga og fullorðinna manna sem voru við málningarvinnu á bílastæðum við Mjóddina í Breiðholti.

Lög­reglu barst tilkynn­ing um slags­málin klukka 22.14 í gærkvöldi, en sérsveit ríkislögreglustjóra veitti lögreglunni á höfuðborgarsvæðinu stuðning.

„Þarna voru menn við vinnu og ungir drengir að trufla þá,“ segir Gunnar í samtali við mbl.is. Ungu drengirnir hafi kallað á fleiri ungmenni og einhverjar stympingar hafi orðið í kjölfarið.

Lög­regla ræddi við þá sem þarna voru. Það hugðist þó eng­inn kæra og þar við sat.

Frétt af mbl.is

Krókurinn datt undan og hjólhýsið endaði á staur

Sérsveitin aðstoðaði

Sérsveitin var ekki kölluð til vegna neinnar sérstakrar ógnar, en enginn þeirra sem að slagsmálunum komu voru vopnaðir, að sögn Gunnars Hilmarssonar, aðalvarðstjóra lögreglunnar á höfuðborgarsvæðinu.

„Sérsveitin hefur komið þeim til aðstoðar, en þeir voru ekki kallaðir út sérstaklega. Það er nú oft þannig að þeir koma og bakka okkur upp.“

• Blogga um frétt