Öll gögn benda til þess að næstu eldsumbrot á Reykjanesskaga séu skammt undan. Skjálftavirkni hefur farið vaxandi undanfarna daga og smám saman dregur úr aflögun við Svartsengi og nágrenni.

Benedikt Gunnar Ófeigsson, fagstjóri aflögunarmælinga hjá Veðurstofu Íslands, telur líklegt að kvika hlaupi fram á næstu dögum.

Frétt af mbl.is

Einu skrefi nær kvikuhlaupi eða gosi

Ólíklegt að sprunga opnist innan bæjarmarkanna

Í einni af þeirri sviðsmynd sem Veðurstofa Íslands hefur skýrt frá kemur fram að mögulegt sé að gossprunga opnist innan Grindavíkur.

Aðspurður segir Benedikt ólíklegt að sprunga opnist innan bæjarmarkanna þar sem engir gígar séu á svæðinu sem bendi til að það hafi gerst áður. Hann útilokar þá sviðsmynd þó ekki.

Frétt af mbl.is

Hættan eykst á gosi í Grindavík

Hraun gæti runnið í gömlum sprungum

Benedikt telur líklegast að sprunga opnist á svipuðum slóðum og síðast, við Sundhnúkagígaröðina norðan Hagafells. Þaðan gæti hraun þó runnið suður í sprungum á nokkur hundruð metra dýpi sem opnuðust í fyrri eldsumbrotum á skaganum, og komið upp á öðrum stað.

Þannig gæti hraunið átt nokkuð greiða leið til Grindavíkur, þar sem ein sprungan liggur m.a. undir varnargörðunum, þó svo að nýjar sprungur opnist ekki sunnan við Hagafell.

Þá er heldur ekki útilokað að ný sprunga opnist innan varnargarða líkt og hefur áður gerst. 

Frétt af mbl.is

Kvika reyndi að komast af stað

Tengdar fréttir

Eldvirkni á Reykjanesskaga

Skjálftum fjölgar: Gæti gosið á næstu dögum

• Einu skrefi nær kvikuhlaupi eða gosi
• Gæti gosið eftir eina til tvær vikur
• Kvika reyndi að komast af stað
• Skjálfti skekur Reykjanes

» Fleiri tengdar fréttir

• Blogga um frétt