Önnur lægð og önnur gul viðvörun: Tjöld geti fokið
Setja bókamerki
Tengdar fréttir
Þjóðhátíð
Önnur djúp lægð er á leiðinni til landsins á morgun með tilheyrandi leiðindaveðri um allt land, að því er segir í tilkynningu náttúruvárvaktar Veðurstofu Íslands.
„Seinnipartinn á morgun fer að hvessa, einkum syðst á landinu með austan og norðaustan hvassviðri eða stormi,“ segir í tilkynningunni. Um er að ræða svæði frá Öræfum og vestur undir Eyjafjöll.
Hefur því Veðurstofan gefið út aðra gula viðvörun, en sú síðasta var rétt í þessu að falla úr gildi.
Austan hvassviðri er spáð í Vestmannaeyjum og undir Eyjafjöllum á sunnudagskvöld. Vindur 15-20 m/s og búist er við snörpum vindhviðum. Veðurstofan varar við því að tjöld geti fokið og huga þurfi að lausamunum.
Vegna veðursins verður gul viðvörun í gildi á Suðurlandi frá sunnudagskvöldi klukkan 18 til mánudagsmorguns klukkan 6.
Mikið vatnsveður annað kvöld
„Talsverð eða mikil rigning fylgir lægðinni á Suðausturlandi og Austfjörðum og má búast við miklu vatnsveðri annað kvöld og allan mánudaginn (frídag verslunarmanna),“ segir í tilkynningu náttúruvárvaktar. Þar megi búast við vatnavöxtum í ám og lækjum.
Gul viðvörun tekur gildi á Suðausturlandi og á Miðhálendinu klukkan 15 og morgun og verður í gildi til klukkan 6 mánudagsmorgun. Viðvörun verður í gildi á Austfjörðum frá miðnætti sunnudagskvöld til klukkan 20 á mánudag.
Á mánudag lægir sunnan- og austanlands en gengur í norðaustan hvassviðri norðvestan til.
Tengdar fréttir
Þjóðhátíð
Móðir þriggja barna þó aðeins tvö séu á lífi
Hraun gæti flætt um sprungur til Grindavíkur
Aðsetursskráning Grindvíkinga skoðuð
Myndir: Festi bílinn í aurskriðu
Skýrt að hótanir verði ekki liðnar
Telur ummæli Helga ekki alvarleg
„Það er allt í fokki“
/frimg/1/50/72/1507210.jpg)
Engin gjá milli þings og þjóðar