Leit stendur nú yfir í Vestmannaeyjum að manni. Hans hefur verið saknað síðan í morgun. Björgunarbátur hefur verið ræstur út til leitar.

Uppfært 14:40:

Maðurinn fannst heill á húfi. 

„Við erum búin að leita inni á Hamri og erum að undirbúa okkur fyrir að fara í frekari leit en vonum auðvitað að hann birtist einhvers staðar hérna,“ segir Karl Gauti Hjaltason, lögreglustjórinn í Vestmannaeyjum.

Hann segir að ekki sé lýst eftir manninum vegna einhvers konar afbrots.

„Við bara óttumst um hann.“

Var lögreglan að gera sig klára fyrir frekari leit þegar mbl.is heyrði í Karli Gauta.

„Já, við erum bara að gera okkur klár að fara að leita og fara á sjó líka, úti fyrir Hamrinum.“

Engin kynferðisbrotamál komið upp en alltaf pústrar

Um nóttina í Eyjum segir lögreglustjórinn að einn sé nú í fangaklefa lögreglunnar og alltaf sé um einhverja pústra að ræða.

Segir hann fá fíkniefnamál hafa komið upp og engin kynferðisbrot hafa ratað á borð lögreglunnar. Einhverjar líkamsárásir hafa þó komið upp um helgina.

„Það er verið að kæra líkamsárásir nokkrar, eina eða tvær í nótt. Það eru alveg viðvarandi einhverjir pústrar alltaf en sem betur fer enginn eitthvað mikið slasaður.“

Tengdar fréttir

Þjóðhátíð

Slapp með naumindum þegar brennan hrundi

• Veðrið „ekki beint kræsilegt“
• Fannst sofandi inni í tjaldi
• Þyrla Landhelgisgæslunnar kölluð út
• Myndir: Jökull í Kaleo leynigestur á Þjóðhátíð

» Fleiri tengdar fréttir

Verslunarmannahelgin

Veðrið „ekki beint kræsilegt“

• Froðufjör í sól og blíðu á Siglufirði
• Seldu metfjölda bollakaka
• „Allt gengið vel fyrir utan þetta eina atvik“
• Myndir: Jökull í Kaleo leynigestur á Þjóðhátíð

» Fleiri tengdar fréttir

• Blogga um frétt