Fannst sofandi inni í tjaldi
Setja bókamerki
Maðurinn sem leitað var að í Vestmannaeyjum er fundinn heill á húfi. Þetta staðfestir lögreglan í Vestmannaeyjum.
Karl Gauti Hjaltason, lögreglustjóri í Vestmannaeyjum, segir í samtali við mbl.is að maðurinn hafi einfaldlega verið sofandi inni í tjaldi.
„Hann hafði bara einhvers staðar farið að sofa í einhverju tjaldi og vissi ekki meir.“
Segir Karl að maðurinn sé kominn niður á stöð þar sem verið sé að ræða við hann.
„Hann virðist vera heill á húfi og við erum bara afskaplega ánægðir að afturkalla leitarflokka. Þetta fór eins vel og hægt var. Ég held að mönnum hérna í Vestmannaeyjum hafi verið létt við það að vita að hann sé heill á húfi,“ segir Karl.
Einhver sem hnippti í hann
Fannst hann þá inni í einhverju tjaldi eða gaf hann sig sjálfur fram?
„Það var einhver sem hnippti í hann. Einhver sem vissi að það væri verið að leita að honum,“ segir lögreglustjórinn og bætir við:
„Það var farið að deila þessu afskaplega mikið á samfélagsmiðlum og ég held að Eyjamenn hafi verið farnir að líta í kringum sig.“
Fer fram á sex og hálfs ára fangelsi yfir Jóni Inga
Verkalýðshreyfingin pólitísk í eðli sínu
Tíu börn á spítala, þar af tvö á gjörgæslu
/frimg/1/52/67/1526758.jpg)
„Það er engin ákveðin hreyfing í deilunni“
Héldu að kvikuhlaup gæti verið að hefjast
Maðurinn sem lést var íslenskur
Ekki gerlegt að sakfella eftir lýsingu í ákæru