Hátíðin Ein með öllu á Akureyri heppnaðist mjög vel, allt fór eftir áætlun og fáheyrt var um nokkur óhöpp.

Þetta segir Davíð Rún­ar Gunn­ars­son, frá Vin­um Ak­ur­eyr­ar, sem sjá um hátíðar­höld­in, í samtali við mbl.is.

„Við erum bara alveg í skýjunum hérna, þetta var frábært,“ segir Davíð.

Engin rigning fyrir norðan

Veðrið lék aldeilis við gesti hátíðarinnar og segir Davíð ekki dropa hafa fallið úr lofti, hitinn var í tveggja stafa tölum alla helgina.

„Þetta með fjölmennari hátíðum sem við höfum haldið, ég held að það sé alveg ljóst,“ bætir hann við.

Sparitónleikarnir í gærkvöldi stóðu upp úr segir Davíð en þá var öllu tjaldað til.

Davíð þakkar fyrir sig og vonar að gestir hátíðarinnar fari sáttir með helgina út í vikuna.