Viðvaranir í gildi víða
Setja bókamerki
Tengdar fréttir
Verslunarmannahelgin
„Alldjúp lægð skammt suður af Reykjanesi þokast suðvestur og dregur þá úr vindi, sem var mjög hvass syðst í nótt.“
Svo segir í hugleiðingum veðurfræðings á Veðurstofu Íslands og jafnframt að það hvessi norðvestanlands, sem getur verið varasamt fyrir ökutæki sem taka á sig mikinn vind.
Veðurviðvaranir vegna vinds eru í gildi fyrir Breiðafjörð, Vestfirði, Strandir og Norðurland vestra. Ökumenn eru beðnir um að fara varlega, einkum ef bílar og eftirvagnar eru viðkvæmir fyrir vindum.
Fáein úrkomusvæði þokast norðvestur yfir landið í dag og rignir víða, mest þó á Ströndum og Austfjörðum, þar sem búist er við úrhelli, sem gæti valdið aurskriðum og grjóthruni.
Ferðalangar á svæðunum eru því hvattir til að forðast brattar fjallshlíðar, árfarvegi og varasöm vöð. Gular veðurvarnir eru í gildi vegna þess.
Dregur loks úr úrkomu á austanverðu landinu í kvöld, en vestantil í nótt.
Síðan er útlit fyrir mun rólegra veður, þó verður skýjað að mestu með vætu öðru hvoru í flestum landshlutum.
Fremur hlýtt á landinu fram undir helgi, en fer þá heldur að kólna, einkum norðan heiða.
Tengdar fréttir
Verslunarmannahelgin
Í vinnunni á aðfangadagskvöldi í 25 ár
Æskuvinir sem fóru í víninnflutning frá Georgíu
Í þögn hjartans
38 létust í flugslysi
Strandveiðar „efnahagsleg sóun“
Fuglager í Grindavík: „Þetta var bara pínu magnað“
Skoða ráðstafanir vegna mikillar kuldaspár