Ekki víst að bíllinn tilheyri ferðamönnunum

Ekki er víst að bíllinn sem fannst mannlaus á tjaldsvæðinu við Kerlingarfjöll sé í leigu ferðamannanna tveggja sem leitað er á svæðinu og eru taldir fastir inni í helli eða sprungu. 

Vettvangsstjóri björgunarsveita á svæðinu segir að myndefni úr öryggismyndavélum við bílastæðið bendi til þess að bílaleigubíllinn gæti tilheyrt öðrum ferðamönnum sem kunna að hafa komið á svæðið í morgun.

„Það virðist líklega vera að renna út í sandinn. En við ætlum bara að leita af okkur allan grun,“ segir Bergvin Snær Andrésson, vettvangsstjóri björgunarsveita við leitina í Kerlingarfjöllum.

Bergvin tekur þó fram að bíða þurfi frekari staðfestingar.

Frétt af mbl.is

Tómur bílaleigubíll fundinn: Ræsa út leitarhunda

Leit á staðsetn­ingu sem gef­in var upp í til­kynn­ingu kl. 22.30 í gær bar ekki ár­ang­ur en hún barst í gegn­um net­spjall neyðarlín­unn­ar. Búið er að víkka leit­ar­svæðið. Kort/Map.is

Lögregla kannast ekki við efasemdirnar

Sveinn Kristján Rúnarsson, yfirlögregluþjónn á Suðurlandi, kannaðist þó ekki við það að grunsemdirnar væru runnar út í sandinn. Hann segir þó að það sé ekki staðfest að bíllinn sé í leigu ferðamannanna.

„Við erum núna að skoða þetta út frá bíl sem ekki er hægt að staðfesta einhvern í,“ segir lögregluþjónninn.

Hann kannast aftur á móti ekki við myndefni sem sýni fram á að bíllinn tilheyri öðrum.

Frétt af mbl.is

Gætu verið fastir í jökulsprungu

Skilaboðin á ensku

„Ef þetta er ferðafólk sem lagði af stað í morgun þá kemur það örugglega aftur í dag. En við ætlum ekki að útiloka neitt strax,“ segir Bergvin hjá björgunarsveitunum.

Leitin hefur staðið yfir síðan í kl. 22.30 gærkvöldi, þegar Neyðarlínunni barst stafræn tilkynning frá göngumönnun­um þar sem þeir sögðust vera fastir í helli. Nú þykir mögulegt að þeir hafi fests í jökulsprungu enda fáir hellar á svæðinu.

Tilkynningin var skrifuð á ensku að sögn Bergvins.

Einu vísbendingarnar sem liggja því fyrir að svo stöddu eru tilkynning til Neyðarlínunnar, IP-tala sem fylgdi skilaboðunum, staðsetningarhnit sem hafa reyndar engu skilað. Hvorki yfirlögregluþjónn né vettvangsstjóri kváðust þekkja deili á ferðamönnunum.

Veistu meira? Áttu myndir af vettvangi? Endilega sendu okkur erindi á frettir@mbl.is

• Blogga um frétt