Fjaran þakin klökum: „Þetta er svakalegt“

Stór og myndarleg klakabreiða blasti við Axel Gunnarssyni rútubílsstjóra er hann kom að Vestri-Fellsfjöru, við Jökulsárlón, á leið sinni hringinn í kringum landið.

Fangaði hann þetta magnaða sjónarspil á meðfylgjandi myndir.

„Þetta eru fleiri klakar en ég hef séð á ströndinni. Þetta er svakalegt,“ segir Kolbrún Matthíasdóttir, landvörður á Breiðamerkursandi, en hún hefur starfað sem landvörður á svæðinu í tvö sumur.

Ljósmynd/Axel Gunnarsson

Klakarnir fóru „á einu bretti“

Að sögn Kolbrúnar hafa nánast engir klakar sést í fjörunni undanfarna daga.

Klakarnir hafi verið að safnast upp í lóninu.

„Í dag hefur þetta allt náð að fara út, á einu bretti og meira en vanalegast gerist.“

Ljósmynd/Axel Gunnarsson

• Blogga um frétt