Apple kemur að kortlegga Ísland

Íslendingar geta búist við því í mánuðinum að vera ljósmyndaðir af Look Around-bílum tæknirisans Apple, sem eru nú á leið til landsins.

Look Around-þjónusta Apple Maps er sambærileg Street View-þjónustu Google Maps, sem leyfir notendum að sjá 360 gráða myndir úr jarðhæð á völdum stað á korti.

Bílarnir eru á leið ti landsins með ferjunni Norrænu sem siglir frá Hirtshals í Danmörku en færeyski miðillinn Portal greindi frá því í gærmorgun þegar að minnsta kosti sex Apple-bílar með myndavél á þakinu sáust aka um borð í ferjuna.

Óvíst er hvort einhverjir þeirra stoppi við í Færeyjum en líklega eru sumir þeirra á leið til Íslands þar sem Apple segist á vef sínum ætla að kortleggja Íslands á milli 2. ágúst og 7. september.

Ekið verður um alla landshluta en starfsmaður Apple mun einnig kortleggja hluta af miðbæ Rekjavíkur fótgangandi. Apple segist einnig nota gögnin sem það safnar í ferðum sínum um heimin til að bæta kortaþjónustu sína.

• Blogga um frétt