Búast við gosi á hverri stundu
Setja bókamerki
Veðurstofan metur að um 16 til 18 milljónir rúmmetra af kviku hafi nú safnast undir Svartsengi og bíði eftir að brjóta sér leið á yfirborð.
Jarðvísindamenn búast við gosi á hverri stundu á Reykjanesskaga en aðdragandinn gæti verið styttri en hálftími og forboðar gossins yrðu aukin skjálftavirkni og stökk í gosóróa á svæðinu.
Hægst hefur örlítið á landrisi við Sundhnúkagígaröðina og daglegum skjálftum þar fjölgar enn.
„Þetta eru svona á milli sextán og átján milljón rúmmetrar [af kviku],“ segir Lovísa Mjöll Guðmundsdóttir náttúruvársérfræðingur í samtali við mbl.is, spurð út í áætlað kvikumagn undir Svartsengi.
Um 60 skjálftar hafa mælst í kvikuganginum síðasta sólarhring, svipað og um sólarhringinn þar á undan. Enginn áberandi gosórói mælist á svæðinu.
Forboðarnir af ýmsum stærðum
„Að öllum líkindum, ef þetta gerist eins og í síðustu gosum, þá ættum við að sjá snarpa hviðu áður en allt fer af stað,“ segir Lovísa.
Þessir fyrirboðaskjálftar geti verið af öllum stærðum og gerðum; allt að 3 að stærð, eins og fyrir síðasta gos, eða smærri eins og í gosinu þar á undan.
„Það fer í rauninni eftir því hvar [kvikan] brýtur sig upp. Ef þetta er að koma á svipuðum slóðum eru þetta ekki kannski ekki jafn stórir skjálftar því hún er búin að brjóta sér leið þar upp áður.“
Tvær sviðsmyndir eru líklegastar ef gos hefst. Annars vegar gætu upptökin verið milli Stóra-Skógfells og Sundhnúks, þar sem aðdragandinn yrði smáskjálftahrina á því svæði.
Hins vegar gæti gosið við Sundhnúk, við Hagafell eða suður af Hagafelli en þar myndi aðdragandinn vera smáskjálftahrina nærri Stóra-Skógfelli eða Sýlingarfelli.
„Má segja að þetta gos hafi þjófstartað“
Sáu eldgosið brjótast út frá Snæfellsnesi
Erlendir miðlar greina frá tíunda gosinu
Myndir: Grindavíkurvegur aftur undir hraun
Átti ekki að láta pirring bitna á sjúklingi
Úlfar: Heppileg tímasetning á gosinu