Þoku hefur lagt yfir höfuðborgarsvæðið og Suðurnesin í morgun en hún hverfur sennilega á braut þar sem hlýna á í veðri á suðvesturhorninu seinna í dag.

„Hún [þokan] kom í nótt og er búin að vera viðvarandi í morgunsárið,“ segir Katrín Agla Tómasdóttir, veðurfræðingur á Veðurstofu Íslands, í samtali við mbl.is.

„Þetta myndast í rauninni þegar það er raki í loftinu og hægur vindur. Þá eru góðar aðstæður fyrir þoku til að myndast yfir höfuðborgarsvæðinu, kemur hérna kalt loft af hafi inn á landið,“ útskýrir sérfræðingurinn. 

Þokan sé nú að mestu á höfuðborgarsvæðinu en gerði einnig vart við sig á Suðurnesjum, t.a.m. í Grindavík.

Milt veður næstu daga

Hún er þó að því er virðist á hverfandi hveli þar sem hlýna fer í veðri í dag og búist er við hlýju veðri. 

„Ef þessi þoka fer ætti hitastig að geta náð upp í sextán [eða] sautján gráður og verður svona fremur hægur vindur eða hafgola.“

Frétt af mbl.is

Hiti allt að 18 stig fyrir sunnan

Þá eigi einnig að vera ágætisveður næstu daga, fremur hægur vindur en þó tiltölulega skýjað á morgun.

„Um helgina er þetta svipað: skýjað með köflum, einhver væta hér og þar en yfirleitt bara milt veður.“

Tengdar fréttir

Veður

Gætu haft hótelið opið allt árið með betri þjónustu

• Hiti allt að 18 stig fyrir sunnan
• Rólegt og milt en síðdegisskúrir líklegar
• Líðandi sumar er svipað og 2018
• Viðvaranir í gildi víða

» Fleiri tengdar fréttir

• Blogga um frétt