Fréttaskýrendur og samfélagsrýnar sem eru gestir Dagmála Morgunblaðsins í dag fara yfir þá mögulegu formannskapla sem framundan eru hjá stjórnarflokkunum. Allsendis óvíst er hvort þeir kaplar sem lagðir hafa verið ganga upp.

Þeir Björn Ingi Hrafnsson og Sigurður Már Jónsson líta á hin pólitísku spil þegar þingmenn fara að undirbúa sig fyrir kosningavetur sem er framundan. Alþingi mun koma saman 10. september en ljóst má vera að undirbúningur er hafinn í hinum ýmsu pólitísku herbúðum.

Svandís verði næsti formaður

Í Dagmálaþætti dagsins er farið yfir hina pólitísku stöðu eins og hún blasir við álitsgjöfunum. Þegar horft er til forystu flokkanna búast þeir Sigurður Már og Björn Ingi ekki við neinu öðru en að Svandís Svavarsdóttir verði næsti formaður Vinstri grænna.

Björn Ingi telur einsýnt að Bjarni Benediktsson, formaður Sjálfstæðisflokksins fái eitt eða fleiri mótframboð á næsta landsfundi flokksins. Sigurður Már minnir á að sjálfstæðismenn séu foringjahollir og er ekki sannfærður um að atburðarásin verði með þeim hætti.

Teikn um að Sigurður Ingi ætli sér lengri tíma í pólitík

Pólitískir prinsar og prinsessur í Framsóknarflokknum gætu þurft að bíða lengur eftir að taka við sem leiðtogar flokksins. Sigurður Már segir teikn á lofti um að nafni hans Sigurður Ingi ætli sér lengri tíma í pólitík. Vísar hann þar til ráðstöfunar á framkvæmdafé til vegamála í kjördæmi formannsins, sem kom mörgum í opna skjöldu.

Dagmál einblína á stjórnmálin í þessum síðasta þætti vikunnar. Með fréttinni fylgir hluti viðtalsins við þá Sigurð Má og Björn Inga, þar sem þeir ræða stöðu formanna stjórnarflokkanna.

Þátturinn í heild sinni er aðgengilegur áskrifendum Morgunblaðsins.

Útrýmingarhætta og sögulegt fylgistap

Tengdar fréttir

Dagmál

Tölur heilbrigðisráðuneytisins á Gasa nokkuð áreiðanlegar

• Félagsleg fjarlægð flæki læknisgreiningar
• Geti haft áhrif á frjósemi ungra stúlkna
• Konur megi bara vera reiðar á túr
• „Mér finnst þetta ekki ásættanlegt“

» Fleiri tengdar fréttir

• Blogga um frétt