Gagnrýnir stefnu Seðlabankans

Það má velta því fyrir sér hvort Seðlabankinn sé með óbreyttri vaxtastefnu að endurtaka fyrri nálgun þegar hátt vaxtastig var notað til að viðhalda óraunhæfu gengi krónunnar á sama tíma og almenningur og fyrirtæki voru hrakin í lántökur í verðtryggðum krónum og erlendum myntum.

Þetta segir Jón Sigurðsson forstjóri Stoða í bréfi sínu til hluthafa félagsins. Hann segir að nauðsynlegt sé að byrja vaxtalækkunarferli strax á næsta fundi peningastefnunefndar Seðlabankans. Morgunblaðið hefur bréfið undir höndum og fjallað er nánar um innihald þess í blaðinu í dag.

Í bréfinu víkur Jón að umræðu um efnahagsmál og segir ríkið ýta undir þenslu með auknum útgjöldum á meðan atvinnulífið hagræði í rekstri. Þá fjallar hann um neikvæða umræðu í garð ferðaþjónustunnar, stöðuna á hlutabréfamarkaði, fjárfestingaumhverfið, stöðu þeirra fyrirtækja sem mynda eignasafn Stoða og margt fleira.

Nánari umfjöllun er að finna í Morgunblaðinu í dag.