Klára mögulega söluna á Íslandsbanka í vetur
Setja bókamerki
Tengdar fréttir
Flóttafólk á Íslandi
Forgangsmál ríkisstjórnarinnar á komandi þingvetri verða efnahagsmál, útlendingamál, orkumál, menntamál og samgönguáætlun. Ýmislegt bendir til þess að hægt verði að klára sölu á hlut ríkisins í Íslandbanka í vetur.
Þetta segir Bjarni Benediktsson forsætisráðherra í samtali við mbl.is að ríkisstjórnarfundi loknum.
Hann segir að fjárlög næsta árs og undirbúningur fyrir fjármálaáætlun séu þættir sem eiga stuðla að auknu jafnvægi í efnahagsmálum.
Fer eftir markaðsaðstæðum
„Það var ánægjulegt að fá heimild til að ljúka sölunni á Íslandsbanka á vorþinginu. Þannig efnahagsmálin verða áfram í brennidepli,“ segir Bjarni.
Heldurðu að það verði klárað að selja eftirstandandi hlut ríkisins í bankanum á þessu ári?
„Það verður á endanum að vera mat [fjármála]ráðuneytisins hvort að markaðsaðstæður séu góðar en það er ýmislegt sem bendir til þess að það sé raunhæft að losa um þann eignarhlut í vetur,“ segir hann.
Orkumál áfram á dagskrá
Bjarni segir að ákveðnum áföngum hafi verið náð í orkumálum á vorþinginu en málið sé áfram á dagskrá fyrir komandi þing. Ekki tókst til dæmis að koma í gegn vindorkufrumvarpi á vorþinginu.
„Það eru stór mál áfram til úrlausnar fyrir veturinn, til dæmis á sviði vindorku. Við þurfum að búa þannig um hnútanna að það verði hægt að afla þeirrar orku sem nauðsynlegt er fyrir uppbyggingu landsins áfram og í orkuskiptin,“ segir hann.
„Úrlausnarefni sem við þurfum að fást við“
Hann fagnar því að útlendingafrumvarp Guðrúnar Hafsteinsdóttur hafi verið samþykkt á vorþinginu en segir meira þurfi að gera í málaflokknum.
„Við erum að sjá vísbendingar um breytingu í aðsókn um umsóknir um hæli á Íslandi. Þar eru enn þá engu að síður úrlausnarefni sem við þurfum að fást við í vetur,“ segir Bjarni.
Guðrún hefur meðal annars greint frá því að hún hyggist leggja fram nýtt útlendingafrumvarp í haust og þá vill hún koma á fót móttökumiðstöð fyrir hælisleitendur þegar þeir koma til landsins.
Samgönguáætlun og menntamál forgangsmál
Fyrir utan efnahagsmálin, útlendingamálin og orkumálin þá eru fleiri mál sem taka þarf á.
Ekki tókst að afgreiða samgönguáætlun úr þingi á vorþinginu og segir Bjarni að unnið verði að henni á komandi þingi.
„Menntamálin eru að komast aftur í kastljósið vegna þess að þar virðist vera þörf á breytingu, aðgerðum og inngripi til þess að bregðast við slæmum mælingum á árangri í menntakerfinu. Þetta eru mál sem ég myndi segja að væru í ákveðnum skilningi forgangsmál fyrir veturinn.“
Tengdar fréttir
Flóttafólk á Íslandi
/frimg/1/32/87/1328730.jpg)
Gagnrýnir stefnu Seðlabankans
Klára mögulega söluna á Íslandsbanka í vetur
Svartsengisvirkjun gæti verið ógnað
Vestur-Íslendingar haldi fastar í íslenskuna
Lögregluaðgerð á Höfn
Flóknir formannskaplar stjórnarflokkanna
Engin fíkniefni um borð
Foreldrar upplýstir um stöðu barna á Brákarborg