Íslenskir friðarsinnar minntust í kvöld fórnarlamba sem létust í kjarnorkuárásunum í Hírósíma og Nagasakí í Japan 6. og 9. ágúst árið 1945, en það hafa þeir gert frá árinu 1985.
Hópurinn safnaðist saman við suðvesturenda Reykjavíkurtjarnar í kvöld klukkan hálftíu og fleyttu kertum í minningu fórnarlambanna. Tómas Jóhannesson eðlisfræðingur flutti ávarp og Eyrún Ósk Jónsdóttir las friðarljóð.