Svartsengisvirkjun gæti verið ógnað
Setja bókamerki
Varnargarðarnir sem umlykja Grindavíkurbæ hafa sannað gildi sitt en ákveðin hraunflæðilíkön sýna að Svartsengisvirkjun gæti verið ógnað í mögulegu gosi.
Mögulega þarf að ráðast í frekari aðgerðir til að tryggja öryggi virkjunarinnar.
Þetta segir Bjarni Benediktsson forsætisráðherra í samtali við mbl.is að ríkisstjórnarfundi loknum í morgun.
„Það sem við erum mest að horfa og vorum að ræða á þessum ríkisstjórnarfundi núna eru aðrir varnargarðar, eins og til dæmis vegna Svartsengis. Það er hægt að sjá í ákveðnum hraunflæðismódelum að Svartsengi gæti verið ógnað ef að kvikan kæmi upp á viðkvæmum stað og það gæti þurft að gera enn frekari ráðstafanir,“ segir Bjarni.
Búast við gosi á hverri stundu
Jarðvísindamenn búast við gosi á hverri stundu á Reykjanesskaga en Veðurstofan metur að um 16 til 18 milljónir rúmmetra af kviku hafi nú safnast undir Svartsengi.
Bjarni segir að búið sé að stórbæta hraunkælibúnað á svæðinu en að allar öryggisráðstafanir séu í sífelldri skoðun.
Spurður hvort hann sé sáttur við stöðuna að svo stöddu segir hann:
„Ég tel að það eru vísbendingar um að það gæti þurft að gera frekari ráðstafanir til að verja orkuverið,“ segir hann.
Flóknir formannskaplar stjórnarflokkanna
Svartsengisvirkjun gæti verið ógnað
Blíða í kortunum á Gleðigöngunni
Foreldrar upplýstir um stöðu barna á Brákarborg
Hefja aðgerðaáætlun gegn sýklalyfjaónæmi
Mega búast við „skemmtun, gleði, hamingju og ást“
Lögregluaðgerð á Höfn