Jarðskjálfti af stærðinni 2,6 varð í Ljósufjallakerfinu á áttunda tímanum í kvöld. Skjálftahrina hófst í kerfinu um helgina og mældist þá talsverður fjöldi skjálfta.

Upptök skjálftans eru rétt austur af Grjótárvatni og er hann sá stærsti sem mælst hefur í þessari hrinu. 

Páll Einarsson jarðeðlisfræðingur benti á það í samtali við Morgunblaðið í dag að reytingur af skjálfum hefði verið í kerfinu síðustu tvö til þrjú árin. Skjálftavirknin sé eftirtektarverð og ástæða sé til að fylgjast með svæðinu. 

Frétt af mbl.is

Skjálftarnir ástæða til að fylgjast með

Kortið sýnir jarðskjálfta sem mælst hafa í Ljósufjallakerfinu á þessu ári. Þeir eru alls 32 talsins og er skjálftinn í kvöld sá stærsti sem mælst hefur í kerfinu á þessu ári. Skjálftarnir mælast flestir í kringum Grjótárvatn. Austan við skjálftaþyrpinguna má sjá Langavatn. Ljósufjöll, sem kerfið dregur nafn sitt af er vestar á Snæfellsnesi. Kort/Veðurstofa Íslands

Skjálftahrina varð árið 2021

Morgunblaðið fjallaði um skjálfta í Ljósufjallakerfinu í október árið 2021 þegar fleiri en tuttugu skjálftar höfðu mælst á fjórum mánuðum. Voru skjálftarnir þá orðnir talsvert fleiri en mælst höfðu í að minnsta kosti tólf ár þar á undan. 

Lestu meira

Óvenjulegir skjálftar merki um líf

Eld­stöðva­kerfið sem um ræðir nefn­ist Ljósu­fjalla­kerfið. Norðvest­ur­endi kerf­is­ins er sunn­an við Stykk­is­hólm en Ljósu­fjöll draga nafn sitt af ljós­um súr­um berg­teg­und­um í fjöll­un­um. Miðja eld­stöðva­kerf­is­ins er tal­in vera í sjálf­um Ljósu­fjöll­um. Virknin nú er helst í kringum Grjótárvatn, en Ljósufjöll eru talsvert lengra í vestur. 

Ekki hefur gosið í kerfinu síðan á landnámsöld. Varð það snemma á land­náms­öld, þótt ekki hafi tek­ist að greina hvaða ár það varð. Að öll­um lík­ind­um var það í Rauðháls­um. Tek­ist hef­ur að skil­greina um 23 eld­gos á nú­tíma í sjálfu Ljósa­fjalla­kerf­inu.

Fjöll­in hlóðust upp með mik­illi og fjöl­breyti­legri eld­virkni allt frá seinni­hluta ís­ald­ar. Eld­virkni á sögu­leg­um tím­um hef­ur verið bund­in við svæðið aust­an Ljósu­fjalla, nán­ar til­tekið við Hít­ar­dal og Hnappa­dal.

Í Morgunblaðinu í dag leggur Páll áherslu á að eldstöðin í Ljósufjöllum teljist ekki hættuleg í samanburði við ýmsar aðrar. Öll þessi gos hafi verið lítil og flokkist ekki undir miklar hamfarir. 

Frétt af mbl.is

Jarðhræringar mælast í Ljósufjöllum

Tengdar fréttir

Ljósufjallakerfi

„Tímabil aukinnar eldvirkni“

• Óvíst hvað veldur virkninni: Þörf á frekari vöktun
• Stærsti skjálfti frá upphafi mælinga
• Skjálfti fannst í Borgarfirði
• „Áhugavert að sjá skjálfta þarna“

» Fleiri tengdar fréttir

• Blogga um frétt