5 milljarðar í húsnæðisúrræði fyrir hælisleitendur
Setja bókamerki
Kostnaður við húsnæðisúrræði Vinnumálastofnunar fyrir hælisleitendur nam ríflega 4,9 milljörðum króna á síðasta ári. Áætlaður kostnaður fyrir árið 2024 er 4.679.856.536 krónur.
Athygli vekur að öryggisgæsla er dýrari kostnaðarliður en sjálf húsaleigan.
Þetta kemur fram í svari Guðmundar Inga Guðbrandssonar, félags- og vinnumarkaðsráðherra, við fyrirspurn Bergþórs Ólasonar, þingmanns Miðflokksins.
Öryggisgæsla ríflega 2,5 ma. króna
Kostnaðurinn við húsnæðisúrræðin er sundurliðaður í svarinu. Kostnaður við öryggisgæslu nam á síðasta ári 2.513.902.954 krónum á sama tíma og kostnaður við húsaleigu nam 2.000.444.502 krónum.
Ræsting nam ríflega 230 milljónum króna og kostnaður við verkkaup og byggingarvörur námu 116 milljónum króna.
Stofnunin með 23 búsetuúrræði
Vinnumálastofnun er með 23 búsetuúrræði sem gistipláss fyrir 1.549 manns og öll úrræðin fyrir utan eitt geta hýst á bilinu 30–220 einstaklinga. Þau eru staðsett í Reykjavík, Reykjanesbæ, Kópavogi, Hafnarfirði, Hvalfirði, Laugarvatni og á Akureyri.
Auk þess er Vinnumálastofnun með þjónustusamning við fjögur sveitarfélög sem hýsa 440 hælisleitendur og er samsetning íbúða hjá þeim mjög mismunandi. Hjá sveitarfélögunum er bæði verið að leigja herbergi og íbúðir.
Vinnumálastofnun er með þjónustusamning við Reykjavík, Reykjanesbæ, Hafnarfjörð og Borgarbyggð.
Reiðubúin að aflýsa verkföllum í fjórum leikskólum
Rússar sagðir útvega N-Kóreu milljón olíutunnur
Hópur fólks reyndi að komast að eldgosinu
Hótar Bretum og Bandaríkjamönnum
Hraun kemur úr þremur gígum: Virknin stöðug
„Höfum sloppið bærilega með skaða af þessu gosi“
Pútín reynir allt til að forðast aðra herkvaðningu
Hentugt gos fyrst gýs á annað borð